不過，尋日終於成功喇……
登…登…登…登…
呢個方法係移左民去亞美利堅阿蔡太提供，原來真係得o架。
其實我重聽過第二個方法，
就係放落電飯煲煲飯時齊水蒸，我重未試過，係大小姐同學仔媽咪花師奶提供，因為我個電飯煲唔係好大，拎上拎落好麻煩。
大小姐好鍾意食蒸水蛋，以後可以整多 d。
2007年11月22日 星期四
2007年11月19日 星期一
媽咪愛心晚餐 18-Nov-07
尋晚返娘家食飯，食得飽飽。
清蒸黃立倉 （特別 order，大小姐鍾意食）
西蘭花炒牛肉
菜芯炒雜丸（最愛食汕尾魚蛋）
冬菇蒸肉餅（勁好味又健康）
是日晚餐：
青紅蘿蔔粟米湯
區選
今次的區選，我沒有機會投票，因為我的區只有一位候選人，所以自動當選連任。我沒有甚麼意見，因為從來覺得區議員應該專注區內事務，這位候選人過往做得都不錯，我想即使要選，無論是甚麼黨、甚麼派，他都是我的優先選擇。
今次區選，民建聯大勝，我覺得絕對是正常的賽果，因為沒有大熱的政治議題，選民多會返回注重議員的地區工作上。從來民健聯這方面都比泛民有壓倒性的優勢。反之，在 2003 年的落敗，我很失望，因為那次的投票，選民有點意氣之爭，將所有對政府的不滿都發洩在建制派身上，反而忽略他們的地區工作。希望他們在這次勝利過後，繼續積極在地區工作上努力，讓選民（特別是中間遊離派）覺得投他們一票是正確的。
至於泛民特別是民主黨，今次慘敗亦是意料中事，他們在過去的日子，無甚建樹，唯一知道的、聽到的就是“普選、普選加普選”，他們在 2003 年成功爭取到一個好的機會，卻沒有把握將地區工作做好，結果今次的成績表給他們一記悶棍。令我更覺得可笑的，他們在失敗後，永遠都只會說他人的策略針對他們，他人怎樣怎樣打擊他們的第二梯隊……為甚麼他們不檢討自己做得不足之處？要知道再這樣下去，他們將來的路只會越來越難行。
我並不希望選舉永遠是一面倒的勝利，因為有競爭才有進步。十二月二日又是另一場硬丈，拭目以待。
2007年11月17日 星期六
2007年11月16日 星期五
2007年11月15日 星期四
深圳半日遊
尋日一早送左大小姐返學後，就同老爺去左葵芳葵涌廣場的大家樂食早餐，因為我地重有地鐵 d 免費早餐 coupon 未用晒，咁抵，唔好浪費。
我地周圍轉，買得最 happy 就係嚮百佳買日用品，
雖然人民幣升值，但都重有平的東西。
之後，我地見重有 d 時間，就走左去行 Ole，呢處似 CitySuper，價錢一 d 都唔平呀。不過都有購物，重買左 d 蒜蓉飽，返到屋企用焗爐焗一焗，超正。
為免遲過大小姐放學時間，
我地三點零就坐的士去皇崗，然後坐直通巴士返荃灣，嚮巴士上就接到大小姐的電話話放學，o岩o岩趕得切，早過大小姐返屋企。嘻！嘻！
食飽飽後，就嚮葵芳坐巴士入沙田，然後就坐火車去深圳。
差不多十點半就到左深圳，
今次其實都係無咩特別地方想去，只是無無聊聊，行行企企咁啦，既然行行企企，咁咪坐地鐵去左東門囉……
時間尚早，人流唔多。
重有就係嚮 d 舖頭仔，買左少少文具俾大小姐，有好多香港都見過，但呢度就平好多。
行到食 lunch 時間，今次唔嚮東門食，
我地再坐地鐵到大劇院站的萬象城，o個度好大，我地都係第一次來，似行緊 LandMark，又似行緊台北o既 101 大樓。
我地去左味千拉麵 ，
味道同香港差唔多，價錢就七折左右啦。
2007年11月13日 星期二
是日晚餐 13-Nov-2007
尋日大小姐嚮大家樂 Tea，叫左個日式碗仔翅，好麻麻，d 料大少喇。
用左尋日煲湯的豬腱同螺片做材料
，整成幼絲，再加左冬菇絲同金菇絲，無用粉絲係驚會發大，搞到個翅“杰”晒，而湯底用最方便o既清雞湯，跟住豆粉打“獻”，效果出來都唔錯哩！
今日大小姐嚮美心Tea，用左張惠康優惠卷，$1 換左個碗仔翅
，今次又太“杰”囉！
於是乎今晚就親自動手整番個似樣 d
……
重整左臘腸冬菇蒸雞同菜芯。（d 雞光脫脫，
因為我用左急凍雞腿肉， d 皮太肥俾我剪晒喇。）
2007年11月12日 星期一
是日晚餐 12-Nov-2007
今晚煲左花旗參海底椰無花果螺片豬腱湯（相之前已登過）。
蠔油娃娃菜炒炸豬肉條
（d 娃娃菜好甜啊！）
豆腐鯪魚肉煎餅
（參考左其他 Blog 的高手試做，抱歉搵唔番那位高人。大小姐食第一口已經話好正囉！）
2007年11月9日 星期五
Dinner ＠ Pizza Hut
今日除左同大小姐食 lunch 之外，我地夜晚重約左婆婆同舅父到愉景新城的 Pizza Hut 食晚餐。
龍蝦汁海鮮鴛鴦意粉
焗蘋果卷
Pizza Hut 今期的 Visa 優惠係 American Express，老爺
終於可以碌下呢張從未碌過的咭。
佢地做的六折雙人套餐通常都好豐富，兩個人一定食唔晒，因為無記底個 Menu，淨係記得大約食過 d 咩。
特飲兩杯 （有蘆薈 & 熱情果選擇，咁就一樣一杯囉！）
餐湯兩客 （有意大利菜湯 & 雜菌忌廉湯，又係一樣一客。）
雜菜沙律（d 菜都好新鮮。）
意式乾蕃茄魷魚批 （幾好味。）
龍蝦汁海鮮鴛鴦意粉 （三選一，大小姐的至愛。）
瑞士雞翼（得四隻，我無食。）
焗蘋果卷（唔記得清楚個名，淨係記得勁“正”，ichiban！）
以上 AE 價，$208 不連加一。
我地重加左一個夏威夷風光（會員送的）同菠菜雞皇意粉，兩樣都麻麻，前者焗過龍，後者淡。
不過加加埋埋 d 優惠，找數 $280 唔駛，又幾抵咁。
雜菜沙律
Lunch ＠百人一朱
今日因為係大小姐學校的校運會翌日
，所以佢唔駛返學
，咁橋重係佢生日，加埋老爺放假，因此可以同佢食 Birthday Lunch 喇！
張相就矇左 d ，但呢個係我的至愛 “天婦羅飯定食”
，多種蔬菜炸物，加上兩隻炸蝦，好好味。重有一碗烏冬同一個雜菇雞粒前菜，太豐富喇！
大小姐叫左“天婦羅蝦味噌汁凍烏冬 & 特色太卷”
，個點烏冬的汁有好香的芝麻味，重加埋蟹籽同海膽太卷 & 味噌湯，結果就係全部俾大小姐清理埋。（除左 d 小小的海膽，因為我們這一家都不愛吃魚生。）
老爺就 order 左呢個“滑蛋雞飯定食”
，佢一樣有烏冬同前菜，佢話多到差 d 食唔晒，個飯好味，烏冬佢就更加鍾意啦！（呢幅相係佢影，所以特別唔靚，嘻！）
我地走左去愉景新城的百人一朱食午餐，因為去到都成兩點，返工的都返晒工，所以都好“吉”下。
估唔到佢地 d Set Lunch 都無咩加價，以咁o既價錢，有咁o既環境同食物，我覺得都好抵囉！
我地叫左三個 Set Lunch 連餐飲，找數 $150 都唔駛，OK 啦！
我最後都無食到個烏冬，大小姐消化埋。
2007年11月7日 星期三
失職
成日都話忙，忙咩？唔知，無事忙。
不過呢兩日，真係都幾忙，忙咩？忙煲o野囉！煲愛心靚湯？都有煲，之不過更加用左幾倍煲湯時間o黎煲劇囉！
加上呢排成日要幫大小姐熨佢 d 運動衫
，個熨衫板同熨斗於是乎日日都霸佔左廳中的一個角落（因為淨係熨左 d 急住著，其他就諗住得閒先、夜 d 先咁啦）。
今朝重忙，一早五點半就要起床，因為大小姐學校運動會
，重要六點九集合。忙完大小姐，就嚮返家途中，老爺就 call o黎，話 d 恤衫好似未熨呀，我先醒起，日日都話夜 d 先，夜 d 又要上網、又唔願郁，再唔係就梗係煲劇喇，卒之就攪到老爺今早咁狼狽，最後重求其咁搵左件無咁“巢”，就咁就著返工囉！
其實嫁左入老爺家門咁耐，記憶中都未試過要佢著住 d 未熨o既恤衫返工，
今次唔單止失敗，重失職哩。所以今早返到屋企，第一時間就洗衫、熨衫同煲o野，今次唔再煲劇囉，要煲就煲番個靚湯俾過阿老爺今晚飲，嘻！嘻！
2007年11月6日 星期二
幸福
記得兒時，沒有很多的娛樂，伴著我成長的是一部卡式收音錄音機。那時最愛聽電台節目，曾經在大氣電波聽過有一句說話，意思大約是：『幸福就像玻璃球，玻璃球的碎片中，有人拾得多些、有人少些……』其後一些忘記了。
回想自己在過去的數十年，覺得自己都算是擁有不少玻璃球的碎片，不如意的事當然都會發生，但愉快的日子仍然佔我過去的大多數。
我幸福，因為我有愛我的人
我幸福，因為我有我愛的人
我幸福，因為我不主動但仍然交上能相隨一生的知己
我幸福，因為我有平淡但滿足的生活
我幸福，因為我善忘，不如意事瞬間淡忘
我幸福，因為我並不執著，可以知道放底
從來我都沒對將來會有怎樣怎樣的奢想，只期望每一日都平靜沒有驚濤輆浪。幸福往往就不需要驚天動地，平凡而寧靜的生活在我眼中就是最幸福了！
致家姐：
沒錯，正如您所說，我覺得當前雖然沒有奢華的生活，但每日仍然過得很幸福。當然您們都是其中不可或缺的一部份。
您也要每日幸福地過啊！
2007年11月3日 星期六
灣仔書展
尋日走左去中環同老爺食 lunch，其實都幾怕 lunch hour 嚮中環的人潮，有 d 透唔到氣的感覺，可能因為無做中環人成五年咁耐喇！
我地去左食粥，重要係大牌檔o個隻，因為我覺得呢 d 正統 d 囉。
食飽飽，就嚮呢個咁熱鬧的地方行左一陣，拍下拖咁啦。
跟住，老爺就繼續返佢o既工，我就繼續我o既忙碌
。
我走左去灣仔修頓球場，是關o個度有個書展。全場分為三個主區：十元區、五折區同八折新書區。以我呢 d 師奶性格，停留得最耐梗係十元區啦，呢處亦係全場最多人。不過雖然話係十蚊咁平，但係 d 書都無欺場 ka，有 d 重係 2006 年先出喱！書的種都唔少，小說、食譜、旅遊、CD同不少工具書等。
我都買左幾本十蚊書，買得好 Happy 囉
！
重有入場記得 keep 住張入場卷，有張五蚊 coupon，嚮八折區買書可以加埋o黎用。
書展開三日至11月4日。
2007年11月2日 星期五
是日晚餐 2-Nov-2007
又到星期五喇，通常呢一日都好少煮正常飯餐
，是關阿大小姐最唔鍾意就係食飯
，當然有時都會有例外，好似今晚的飯，佢就食左好多囉！
椰汁咖喱海鮮炒飯 （用左蝦、魷魚同蟹柳，
d椰汁味少左d，但係都好好味！）
肉醬芝士腸天使麵（用現成的醬汁，
嚮 Jusco 買，唔錯！）
2007年10月31日 星期三
2007年10月30日 星期二
五十
寫下寫下，唔覺意
就寫左成五十篇網誌。
其實當初係為左方便回應阿大小姐o既 blog先始左呢個寫 blog 日子，
不過漸漸地我已經把寫 blog、看blog 變成一個生活習慣。
因為鍾意食o野，
所以最愛看其他關於飲食的 blog，唔識煮，睇下、流下口水都好呀！
有時看見咁多烹飪高手，做左咁多靚靚的菜肴，真係影左相都唔敢 post 上o黎
……
不過後來諗下又唔係咁講，呢個 blog 都可以用來作為一個生活日記嘛，反正越來越老人痴呆喇，得閒睇番唔駛咩都似陣風
咁快飛走晒。
有時睇番 d 記錄，知道有 d 朋友都唔止一次上我個 blog，嚮呢度講一句 “Thank you”，
我一有時間，一定到您們家拜訪。
我係一個三分鐘熱度的人，希望嚮呢個 blog 世界會例外吧！
2007年10月29日 星期一
是日晚餐 29-Oct-2007
是日晚餐：
椰汁栗子炆雞（基本上同整開的栗子炆雞差不多，只係加左椰汁同洋蔥。大小姐話 d 椰汁勁正呢！）
2007年10月28日 星期日
姊妹聚餐＠翠園
尋日夜晚，約左班姊妹到星光行翠園食晚飯，因為輪到“家姐”生日，呢處係佢選的。
由於咁耐都唔慣拎住部相機到處影，所以無影到相，不過呢處 d 菜做得好唔錯 ka，好好味……
最值得推介係佢地的靚叉燒，熱辣辣、甜度適中，重唔黏牙，一個字講晒，“正”。
我地食飽重叫左甜品，除左阿老爺之外，我地全部都係叫丸子合桃露，因為之前食過好味，今次再食（好似好無新意），不過仍然有水準，不太甜，好香合桃味，個麻蓉湯丸又好味，番食都無後悔。
至於老爺就“懶”特別咁，叫左個咖啡糕，呢幅係尋日唯一有影到的食物，個糕好精致，咁即係好“渺小”啦，不過好香咖啡味又不太甜，唔錯。
總括來講，呢度的菜仍然保持水準，食得都好滿意，而且最重要係老朋友好姊妹聚舊，傾傾講講，共聚一晚美好時光嘛！
2007年10月27日 星期六
2007年10月26日 星期五
怪人？
常常感覺自己有點怪，
好多時候所思所想所喜好的都與人不同，總之，就不是“大路”。以下都是一些例子：
1. 以前當好多人鍾意鄭少秋時，我就偏愛劉松仁；
2. 四大天皇時期，個個前呼劉華，後擁天濛光，我就只要城城（一愛17年直至今時今日）；
3. 當大家都迷上木村拓哉，我會選長瀨智也（會為他不夠紅而不甘心）；
4. 同一屋簷下，所有朋友都愛二佬褔山雃治，我就只看大佬江口洋介；
5. Leslie、Alan 通通都唔聽 ，獨聽 Kenny Bee；
6. 老友推介的日、韓、台劇，十套有九套都唔鍾意（咁都有一套 OK，好多一套加埋，都有唔少）；
7. 好多時朋友看不過眼的事，我覺得不需要太執著，會用兩個角度睇，想想自已想想對方，好多時就不再介意；
8. 當好多人要 2012 普選，我就覺得沒所謂，最緊要活在當下，生活無憂；
9. 當民調話 Anson Chan 會贏，我會覺得世事無絕對，Regina Ip 未必會輸……
以上種種，或者我未必是與別不同，但可以肯定是少數，唔通因為由細到大都鍾意“包拗頸”？
1. 以前當好多人鍾意鄭少秋時，我就偏愛劉松仁；
2. 四大天皇時期，個個前呼劉華，後擁天濛光，我就只要城城（一愛17年直至今時今日）；
3. 當大家都迷上木村拓哉，我會選長瀨智也（會為他不夠紅而不甘心）；
4. 同一屋簷下，所有朋友都愛二佬褔山雃治，我就只看大佬江口洋介；
5. Leslie、Alan 通通都唔聽 ，獨聽 Kenny Bee；
6. 老友推介的日、韓、台劇，十套有九套都唔鍾意（咁都有一套 OK，好多一套加埋，都有唔少）；
7. 好多時朋友看不過眼的事，我覺得不需要太執著，會用兩個角度睇，想想自已想想對方，好多時就不再介意；
8. 當好多人要 2012 普選，我就覺得沒所謂，最緊要活在當下，生活無憂；
9. 當民調話 Anson Chan 會贏，我會覺得世事無絕對，Regina Ip 未必會輸……
以上種種，或者我未必是與別不同，但可以肯定是少數，唔通因為由細到大都鍾意“包拗頸”？
2007年10月23日 星期二
媽咪愛心晚餐 21-Oct-07
通常星期日都會返阿媽屋企食晚飯，而母親大人每次都整唔少菜式，五個人五菜一湯，好豐富。
這是剛過去的星期日做的菜式……
青紅蘿蔔佛手瓜粟米湯
清蒸黃立倉
梅菜炆腩肉
冬菇鴨掌炆花膠
鹽香煎雞翼
西蘭花炒牛肉
這是剛過去的星期日做的菜式……
青紅蘿蔔佛手瓜粟米湯
2007年10月22日 星期一
是日晚餐 22-Oct-2007
是日晚餐：
椰菜花炒肉片 （因為好早去街市，個椰菜花好靚，簡直雪白到反光，仲好好味）
番茄磨菇洋蔥火腿炒蛋（加左黑胡椒，大小姐勁鍾意）
重煲左花旗參海底椰無花果瘦肉湯（己經 post 過，所以無影相）
椰菜花炒肉片 （因為好早去街市，個椰菜花好靚，簡直雪白到反光，仲好好味）
2007年10月20日 星期六
2007年10月16日 星期二
2007年10月15日 星期一
是日晚餐 15-Oct-07
是日晚餐：
佛手瓜粟米甘荀牛蒡湯（個湯好清甜，唔錯。）
蓮藕炆排骨（好鍾意食蓮藕，特別是爽的。）
蠔油煮西蘭花草菇粟米荀（素菜，不過其實老爺唔係咁鍾意食西蘭花，佢話椰菜花好味 d，但大小姐就剛剛相反，唉！一家之“煮”真難做。）
佛手瓜粟米甘荀牛蒡湯（個湯好清甜，唔錯。）
訂閱：
文章 (Atom)