澳門，走一回！

今個暑假，因為寶貝女要返中一預備班，so 冇 plan過搭飛機出遠行，於是乎同埋老公 & 佢 d friends & families 去左兩次短線遊，投入組國的懷抱喇！

第一個行程是珠海澳門兩天，珠海呢日天氣麻麻，不時落大雨，直至行哂 d 景點先至停，好彩係 d 行程冇咩特別。

到左第二日，我地就由拱北過澳門。廿年冇踏足過澳門，一切都唔同哂，雖然大三巴、炮台仍然健在，but隔離左右的古樸風情就完全唔見哂。周圍都係來自五湖四海的同胞，重有包裝到好靚的 casino，casino 個個都好 grand but 呢次都 冇chance 入去，下次啦。

呢一日其實都冇特別行程，加上阿寶貝女全程都肚痛，講真都唔係好知做過 d咩，淨係記得上過六十樓食buffet，在漁人碼頭擺底 d 腳毛，aaaaaa……差d漏左，去左食雙皮奶，入左鉅記買脆豬。

P.S. 其實都好想再去一次澳門，不過就唔會 choose 夏天喇，呢次實在 "大出汗"，痛苦回憶。一於同老爺(我老公)商量，Christmas 都幾好，如果住埋 The Venetian 梗係更加好啦！如果再去一次，就一定重遊廿年前的景點，找找還有多少依舊存在……