是日晚餐 13-Nov-2007

尋日大小姐嚮大家樂 Tea，叫左個日式碗仔翅，好麻麻，d 料大少喇。

今日大小姐嚮美心Tea，用左張惠康優惠卷，$1 換左個碗仔翅 ，今次又太“杰”囉！

於是乎今晚就親自動手整番個似樣 d …… 

用左尋日煲湯的豬腱同螺片做材料 ，整成幼絲，再加左冬菇絲同金菇絲，無用粉絲係驚會發大，搞到個翅“杰”晒，而湯底用最方便o既清雞湯，跟住豆粉打“獻”，效果出來都唔錯哩！

重整左臘腸冬菇蒸雞同菜芯。（d 雞光脫脫， 因為我用左急凍雞腿肉， d 皮太肥俾我剪晒喇。）