法蘭西的巧克力

這是一個 直徑 5 cm 大的盒子，打開佢，原來內有乾坤……

好精致啊！這是老爺公司同事返老家 (法蘭西) 帶回來的手信，一盒只有三塊，好名貴咁囉！

集體回憶—九龍皇帝

追月夜無煮飯，一家走左去奧海城，原來o個度正在舉行『九龍皇帝曾灶財的回顧展』，展出左唔少九龍皇帝的墨寶。回想年輕時，差不多所到之處，都很容易就碰到皇帝的真跡，隨著歲月的流逝，真跡可以找到的已不多了。

最近常常聽到集體回憶這個新名詞，所有是集體回憶的都動不得，這一點，我呢個師奶向來都有保留，因為任何兩極化的，都需要一個中間平衡點，需要 compromise。不過，九龍皇帝的剩餘少量的墨寶，保留下來，也沒有甚麼利益或其他的沖突，就留呢 d d 喇，畢竟都算是一種另類文化吧！

P.S. 回顧展至十月四日

一個人的午餐 & 大小姐的下午茶

今早同 d 師奶打完 badminton，又去左葵芳“潮館”飲茶，跟住就各自各精彩。

既然唔駛趕返屋企，就走左去百佳逛逛，見倒小菜部飯盒做特價，$9.9 一盒飯咁抵，就整左盒喇，返到屋企重暖，味道都唔差，只是茄子多了點油，不過街賣的茄子，這是必然的喇！

到左大小姐放學，因為佢重要補習，約左佢o係 KFC Tea（又KFC？），食左磨菇飯、葡撻、巴辣雞翼 & 汽水，佢都好“刷”得。

睇怕今晚到要整番杯涼茶飲下o羅，咁o岩惠康做特價，買 2 送 1，大小姐又鍾意飲，就買左三盒返屋企。

中環的半 Day

尋日約左老友羅師奶食早餐 & 食 lunch，就便 shopping，我地約左嚮中環 KFC 食早餐，諗住求求其其，中午就食得豐富 d 。

我地各叫左個鬆餅、炒蛋 & 雞扒，重要加多杯奶茶，實在太…太 full 喇，食飽飽後，即使博哂命行街街… CitySuper 、 ThreeSixty…結果，行到 lunch hour，都哽唔落，加上阿羅師奶要趕住走，最後個 lunch 要改期，留番下個禮拜。

下次早餐都係唔好食咁多喇。

是日晚餐 27-Sep-2007

是日晚餐：

休息左兩日，都應該要自己動手做晚飯喇！

生菜鯪魚球湯

蒜頭豆豉炒青黃椒魷魚（o個兩隻椒擺左嚮雪櫃好多日，一於食左佢，隻黃椒有 d 酸味，麻麻地…）

豆腐炸菜肉鬆（老爺話呢味最好食，用o黎送飯，正！）

中秋節快樂

話咁快又到中秋節喇，今晚會同奶奶一家人到酒家食飯，等阿大小姐睇完卡通片就出門口。

尋晚大小姐偷偷整左兩隻鶴放嚮我同老爺枕頭底，佢好多呢 d 古靈精怪的主意，不過都令我地好“lum”。

下面就係大小姐俾我地的中秋節禮物……

是日晚餐 24-Sep-2007

是日晚餐:

五指毛桃扁豆螺片瘦肉湯（個湯好清甜，五指毛桃的香味似椰子，老爺同大小姐非常捧場。）

菜芯炒牛肉（d 菜芯嚮惠康買，成$12.8 一斤，無法啦，落咁大雨，唔想行去街市，不過 d 菜好‘企理’，重好甜，一分錢一分貨。）

蕃茄炒蛋蜜糖腸（都唔知點解，老爺同大小姐咁鍾意食蜜糖腸！？）

運動後的第二天

尋日打完 badminton，好驚又好似上個禮拜咁，周身骨痛，可能身體經過上次的訓練，今次好左好多，淨係隻手有小小酸痛，very good！下個禮拜的 badminton 約會應該 no problem 喇！

今日去左阿大小姐間學校開家長會，我同老爺都非常欣賞校長，佢說話好有個人魅力，有自信但不自大，說話有條理又無悶場，講o野好有 point，所以老爺同我都好 buy 佢o個套，無後悔阿女讀呢間學校。

其實大小姐入了 EMI ，梗係好開心啦，不過睇得出佢都重未叫做好適應，都有 d 擔心，我諗佢要努力時，我都要睇下點幫下佢，大家都努力啦！

今日又去做運動

上星期打完羽毛球，成身散哂，今日又o黎喇，約左班師奶去葵興林士德打波，雖然要坐地鐵去，不過環境都唔錯。今次我打左差不多 45 分鐘，幾好 ga la，雖然執波多，但都叫做陏下嘛。

成班師奶打完波就去左葵芳o個間“潮館”飲茶，叫左 10 碟點心，找數一人都唔駛 20 蚊，食到個個都肚滿腸肥，做左運動都補唔番！

上湯龍蝦味的粟米條

有無食過呢隻味的粟米條？ 

早幾日行西田見未食過就買來試試，講真有 d 失望，有少少蝦味，但味道較甜，都係佢o個隻芝士煙肉味正好多，連阿大小姐都咁話，未食過不妨試下。

是日晚餐 20-Sep-2007

是日晚餐：今日偷懶，整 d 簡單o野，（其實日日都好求其，嘻！嘻！）

紹菜雞脾菇炒肉片 （d 肉片嚮百佳買，現成醃好哂，好好味！）

瑤柱醬蒸帶子豆腐（d 百福豆腐雖然無咩豆味，不過就好滑，加埋甜豉油同擔擔麵醬，食到唔停口。）

是日晚餐 19-Sep-2007

是日晚餐：

赤靈芝冬菇湯（重有黃蓍、黨參、紀子、甘草和瘦肉， d 味好甘。）

節爪魚片粉絲（太大碟，食唔哂。） 

鳳爪排骨（d鳳爪嚮茶樓外買，夠味d！）

沙田行街街

今日 lunch 去左沙田行街，諗住到西田同 CitySuper 行下。

到左城市廣場，就俾場內的一個攝影展吸引住，由細到大都鍾意影相，細個時鍾意俾人影，大個時就鍾意影人，特別係影阿大小姐， BB時，真係幾得意。跟住行下行下，走左去 Snoopy 公園，好耐都無去過囉，感覺好 old，d 公仔顏色受紫外光影響而變得暗淡，和昔日同阿大小姐排哂隊入去坐船仔比較，相差太遠了，希望佢有機會翻新啦！

原本諗住用兩三個鐘頭行西田 & CitySuper，嚮大小姐放學前返到屋企，不過我太低估 Shopping 的魔力，最終，我淨係行左西田，食埋老麥，就已經三點幾，唯有擒擒青坐巴士返屋企，我想下次都係早 d 出門，多 d 時間，費事浪費車錢嘛。

是日晚餐 18-Sep-2007

是日晚餐：

老爺聽日唔帶飯，所以今日好簡單。

叉燒炒蛋

忌廉雞粒磨菇湯煮翠肉瓜午餐肉 （yummy！）

Shopping at Jusco

今日下晝無無聊聊走左去荃灣 Jusco，因為轉季的關係， d 夏季衫大減價，小朋友 d 底衫一 pack 三件都係 $29.4，重要係中袖，超平！買下買下，終於買左 5 件底衫、一套休閒服、一條短褲、一條牛仔裙 & 一個 casual 手袋，加加埋埋，都唔駛 $150，搞到我呢個超級購物狂勁開心，happy！

是日晚餐 17-Sep-2007

是日晚餐：

花旗參海底椰無花果螺片瘦肉湯（大小姐話好鍾意 d 花旗參味） 

魚香茄子（用左新買番o黎的魚香茄子醬煮，同平時用蒜蓉辣椒醬煮的不同，除左茄子“林”左 d，都以囉！）

粟米魚柳（阿老爺話最好味）

上湯煮莧菜

星期天的早點 & 甜品

星期日我通常都係無飯主婦，早餐多數係現成的麵包 or 蛋糕，不過尋日就好勤力咁做左個蛋牛治，好豐富。

晏晝，有 d 無聊，走去整左個菊花紀子糕，這是我第一次做的，雪到夜晚o係阿媽度返o黎時食。老爺話都 ok，不過阿大小姐就唔多 buy，可能我落得菊花多， d 味好濃，所以佢話麻麻地。

是日晚餐 15-Sep-2007

尋日偷懶無煮飯，今日就煮麵，費事成日食公仔麵，今日就煮左擔擔麵，阿女重送左個滿分俾我，好有滿足感。

呢碗就係阿女o既麵。今次買左壽桃牌四川擔擔麵，因為驚辣，所以買鮑魚雞湯，然後自己加擔擔麵醬。個麵本身口感唔錯，正過公仔麵好多。

當然唔少得要食菜啦……

今次煮左魚蛋蘿蔔同魷魚，因為磨豉醬的功勞，所以好惹味。

呢兩樽就係今次用的醬料喇，個擔擔麵醬，係我地移左民o既 friend 蔡氏一家拎唔哂，留底俾我地，蔡太極力推薦，不過真係唔錯，阿女食到唔停口。另外o個樽磨豉醬，就用來整魚蛋，very good！

運動後遺症

尋日打完羽毛球，已經周身骨痛，點知今日重痛苦，搞到邊度都唔想去，咩o野都唔想做。

本來 plan 左自己出街食 lunch，就便 shopping，然後就買定下午茶，等阿女放學返o黎食，最後，淨係落樓下搵老麥，叫左個雞翼餐，好味但 unhealthy。晚飯就求其將雪櫃 d 剩餘食物清倉，簡簡單單搞掂就算。

下星期再約 d 師奶打波，希望打多幾次會好 d 啦！

是日晚餐 13-Sep-2007

是日晚餐：

冬瓜冬菇粒瑤柱瘦肉湯 （簡單易做又好味）

 照燒雞翼（d汁撈飯好開胃）

炒粒粒（此乃雪櫃剩餘物資，有五香豆腐干、粟米筍同蓮藕，有咩炒咩）

Hurry Up！ 做運動！

今日一早約左班師奶去報名參加器械健體訓練班，跟住就 book 左場打 badminton，n年都無做過運動，返到屋企成個散哂唔識郁咁滯。不過郁下都好，有番咁上下年紀囉，再唔郁，骨頭都硬哂，唔掂架，係咪？

是日晚餐 12-Sep-2007

是日晚餐：

蕃茄薯仔牛肉湯（d牛肉加左胡椒粉，好好味，yummy！）

 冬菇蒸肉餅 （蒸得耐左，有d鞋…）

蝦醬通菜炒魷魚（阿女至愛，食到唔停口）

是日晚餐 11-Sep-2007

是日晚餐： 

絲瓜鮮冬菇炒魚柳 （跟食譜煮，都OK啦！）

 芋頭炆排骨（最愛滑嘟嘟的芋頭汁，正！）

我最愛的書

在我家的書櫃裏，放了很多書，老實說，有很多都未看完又甚至未看過，不過，自己好喜歡買書，好享受像尋找寶物般的過程。

在我的書山中，我的最愛是所有關於飲食的書，雖然自己的烹飪技術十分“了得”，但總會抱著“煮不到、看都好”的心態，每當看見色彩繽紛、令人垂涎欲滴的圖片，都會想著“我做得到嗎？”想到可行性是50%以上，我下一部就是決定買或不買，通常都把持不往，把它們抱回家。

過去總會給自己藉口，沒時間所以做不來，從來很少跟著做，現在女兒已經升上中一，我的空閒時間較以往多，希望真的可以細細看，做一些美味的菜式來，不再讓它們繼續在櫃子裡封塵吧！

New School Life

阿女返左學一星期了，經過每日得七粒鐘睡眠，今日佢終於頂唔順，放學坐嚮梳化邊睇電視邊睡著。佢重話有好多功課，星期一又要默書，Oh poor！努力 d 啦，媽咪支持妳！

暑假最後的一天

話咁快，呢個暑假就過去，阿女聽日就要開學，正式踏入佢學生生涯的第三個階段。見佢都開始有 D 自動自覺咁將開課日的東西準備哂，都算老懷安慰。希望佢可以 keep 住，唔駛我呢個阿媽咁粗勞。

我愛吃中菜

前幾天，和老同學 Joanna 通電話，每年我們幾個老朋友的生日，都會有飯聚，九月就是 Maggie 的大日子，Joanna 問我是不是喜愛吃中餐，因為每年我生日，我都愛選中菜。其實我並沒有特別偏好那一個國家的菜式，因為天生愛吃，而且要求簡單，只要經濟實惠，吃甚麼都沒關係。我選中菜的原因，主要是因為中餐的桌子通常都是圓的，我們老朋友聚舊談天，圍著一張圓桌，說話比較方便容易。相反，西餐通常是長桌，我們一行八、九人，就很不容易和所有人談話。 （雖然我天生大嗓子，但亦很費氣力。）

其實，無須計較吃的是甚麼菜，能夠有緣相聚，暢所欲言，已是一種幸福，畢竟我們已是廿多年的老朋友，期待下次的約會。